Тоғызқұмалақ – қазақта кең тараған қызықты ойын түрі. Тоғызқұмалақ – тек логикалық ойлауды дамыту үшін емес, сабырлыққа, үміт үзбеуге, соңына дейін күресе білу секілді қабілеттерді дамытады. Яғни, миды шыңдайды. 22 наурыз – Ұлыстың ұлы күніне орай, «Ұлттық ойындар алаңы» тақырыбында мектебіміздегі тоғызқұмалақ үйірмесінің оқушылары ұлттық ойынымызды ұлттық киіммен ұлықтап, 2 қабатта тігілген киіз үйде тоғызқұмалақ ойынын ойнады. Сол күні оқушылар мерекелік көңіл-күймен өздерінің нағыз үздік ойыншы екені байқатты. Жетекшісі: Орынбасаров Данияр Исламғалиұлы.

XVIІI Халықаралық ғылыми жарысқа қатысушыларды іріктеу және дарынды балаларды анықтау мақсатында ағымдағы жылдың ақпан айында оздырылған «Ғылым әлемін ашамыз» атты облыстық көрме – байқауының қалалық кезеңіне қатысқан мектебіміздің 8-cынып оқушысы Шынарқызы Гаухар 1-орынды иеленіп, облыстық кезеңіне жолдама алды. Нәтижесінде байқауға қатысқаны үшін сертификатпен марапатталды.

Домбыра- қазақтың ұлттық аспаптарының бірі. Қос ішектен төгілген күмбір күй-қазақтың кім екенін танытатындай. "Нағыз қазақ-қазақ емес, нағыз қазақ-домбыра" деп дана халық бекер айтпаса керек. 22 наурыз – Ұлыстың ұлы күніне орай, «Нағыз қазақ – домбыра!» тақырыбында мектебіміздегі «Ақжелкен» домбыра үйірмесінің оқушылары нағыз қазақ екенін көрсетіп, өз өнерлерін көрсетті. Жетекшісі: Махатов Асет Ұзақбайұлы.

Қасиетті халқымыздың рухани жәдігерліктерінің бай мұрасының бірі – дәстүрлі әндер. Киелі қара домбыра мен қобыздың сүйемелдеуімен айтылатын дәстүрлі әндер кең диапазон, күрделі ырғақ-иірімдерімен ерекшеленеді. “Ел іші – өнер кеніші” дейді дана халқымыз. Осы орайда, 22 наурыз – Ұлыстың ұлы күніне орай, «Шырқа, шырқа қазақтың әндері» тақырыбында мектебіміздегі «Серпер» дәстүрлі ән үйірмесінің оқушылары халық әні «Ағайша», Махамбеттің термесі, халық әні «Гүлдерайым» өз өнерлерін паш етті. Жетекшісі: Мусина Айжан Абайқызы.

Наурыз айында Д.Нұрпейісова атындағы балалар музыка мектебінің ұйымдастыруымен өткен «Текті сөздің төресі – терме» атты қалалық жас термешілер байқауына мектебіміздің «Серпер» дәстүрлі ән үйірмесінің оқушылары қатысып, белсенді қатысқандары үшін Алғыс хатқа ие болды. Жетекшісі: Мусина Айжан Абайқызы.

Қазақ биі - ұлттық дәстүрді, салтты танытатын өнердің төресі десек артық айтқандығымыз емес. Қазақ биінің арқауы халықтың жан дүниесі, оның таным-түсінігі, табиғатпен байланысты болып келеді. Осы орайда 22 наурыз – Ұлыстың ұлы күніне орай, «Мың бұралған бишілер» тақырыбында мектебіміздегі «Күн нұры» би үйірмесінің оқушылары «Қамажай», «Қазақ биі», «Айжан қыз» сынды ұлттық билерімен көрермендерді таң қалдырды. Жетекшісі: Габдуллина Ақмарал Мәлікқызы.

Астыра үлгілеу үйірмесі. Жетекшісі Муканов Жумабек Нагимович

Баскетбол үйірмесі. Жетекшісі Фазылов Бекасыл Есенгельдиевич

Ғарыштану үйірмесі. Жетекшісі Муканов Жумабек Нагимович

Күн нұры би үйірмесі. Жетекшісі Аманғалиева Гүлхан Тілекжанқызы

Қазақ күресі үйірмесі

Тоғызқұмалақ үйірмесі

Фантазия сурет үйірмесі. Жетекшісі Гайсина Алтынай Хамитовна

Шахмат үйірмесі